Daadi & Pauti (GrandMother & Grand Daughter) By: Jaya Goswami

Daadi & Pauti
(GrandMother & Grand Daughter)


{Note: Go to the end of the mail to red in RomanEnglish Script}

Daadi aur Pauti

By: Jaya Goswami

Pad leti he mun ki chithiyan , yeh merey betey ki bitiya

Ghar bhar me payal chankaati Aangan phoolon sa mahkaati

Muskano ke deep jala kar Mukt hasin ke phool khilakar

Ban jaati wo bol geet ke , Lota laati who din ateet ke

Chnachal si chaabhi ki gudiya Hey Koi Jaadu ki pudiya

Sneh mool dhan lekar betey , ghar say door door ja bethey

Unhey nahin ab MAA Ki Chahat,Jab aatey kar jaatey Aahat

Who ley gaye pyar ki poonji,Lotaaney me hey ab moonji

Par unaki yeh bitiya raani Jaaney kab ho gayi syaani

Bujhtey Man ki DeepShalaka,Chuka rahi he sood Pita ka

Koi soch Dukhi karta Mann , Bad jaati pairon ki jakdan

Aansu Jab Ban jaatey Aahein Ghirr aati Bitiya ki BAahein

“Daadi” “Daadi” ka sambodhan Wo deta phirr say sammohan

Choti si Usaki Kad Kaathi,Ban jaati Daadi ki Laathi

Hansati,Vatawaran Hansati,Daadi ko shishu sa Dulaarti

Pankhon par udati si chidiya , Ban Jaati khud Daadi Budhiya

Isliye kehta Jagg Saara,Lagta Sood , Mool say Pyaara

Yeh Merey Betey Ki Bitiya , Padh Leti hey Mann Ki Chiththiyan