Mujhe Uss NIGAH Ki Talash Hai

Ye Zara Zara Si Baat Pe,

Tarha Tarha Ke Azaab Kyun?

Jo Kisi Se Bhi Khafa Naa Ho 

Mujhe Uss KHUDA Ki Talash Hai

 

Mujhe Laghzishoun Pe Har Ghari 

Koi Tokta Hai Baar Baar ?

Jisse Ker Ke Dil Ko Dukh Na Ho 

Mujhe Uss GUNAH Ki Talash Hai

Bina Hamsafar Ke Kab Talak 

Koi Musafatoun Me Laga Rahe ?

Jahan Koi Kisi Se Juda Naa Ho

 Mujhe Uss RAHH Ki Talash Hai

 

Mujhe Dekh Kar Jo Ek Nazar 

Mere Saare Dard Samajh Sake

Jo is Qadar Ho Charagar 

Mujhe Uss NIGAH Ki Talash Hai